VEGAN MARATHON es una Organizacion Non Governamentala amb d’Ambaissadors sus totes los continents, mas tanben la mai bèla equipa de runners vegans e vegetarians que exitisca.
Participar a son istòria, es entrar dins sa legenda!
Los runners de VEGAN MARATHON s’inscrivon dins l’esperit dels guerrièrs pacifistas. Lo lor esplech es lor còs meteis. O motlan, o faiçonan, e o melhoran de longa per afrontar lo pavat, lo quitran, los camins de terra e los ponts. Que siá sus las dralhas o sus las rotas del campèstre, a la mar o en escalar las montanhas, corron, marchan e s’investissan sens fin ni pausa, de contunh, per sensibilizar lo mond a la causa dels animals.
Organizacion progressista, VEGAN MARATHON s’opausa a totas formas de discriminacions, d’extremisme, o de violéncias suls umans, suls animals e sus l’environament.
L’organizacion Non Governamentala VEGAN MARATHON es compausada de sòcis de totas edats e de totes nivèls. Lor denominator comun? Aparar la causa animala.
Vos tanben, nos podètz rejúnher, qué que siá vòstre nivèl esportiu.
Se tòrna trobar VEGAN MARATHON l’elèit de la correguda d’a pè mondiala, de correires aguerrits, de professionals, d’amators e d’anonim, totes vegans e vegetarians.
Janette Murray, campiona del mond de Maraton | Alan Murray, campion del mond de Maraton | Fiona Oakes, | Morhad Amdouni, doble campion d’Euròpa (10000 e 5000 mètres) |
I se tròban d’atlètas subrebèls coma Morhad Amdouni doble campion d’Euròpa (10000 e 5000 mètres), campion de la Mediterranèa de cross-country, doble campion de França de cross-country, Fiona Oakes que deten quatre recòrds del mond (Maraton de l’Antartida, Ice Marathon, North Pole Marathon) o Janette e Alan Murray. Aquel coble de sexagenaris e vegetalians que amb sa fòrça d’eime e sa fòrça fisica devenguèt campion del mond en córrer 366 maratons en 366 jorns, en Austràlia en 2013. Aital crideron AIO, aquela crida caracteristica del CLAN, signe de reliament que ressondís pels eveniments importants, per cada recampament o competicion. Significa "afortissi" en indo-europèu.
VEGAN WARRIOR L’ONG VEGAN MARATHON es especializada dins la correguda d’a pè mas una autra equipa es estada fondada que amassa la totalitat dels espòrts : VEGAN WARRIOR. Venètz rejúnher d’autres atlètas vegans e vegetarians, professionals coma GEORGES LARAQUES (Hockey sus glaç), o amators afogats pertot pel mond. Contatz-nos vòstras proesas dins AIO TV MAGAZINE. | Gabou, 94 ans degana de las runnairitz de VEGAN MARATHON |
L’origina d’aquesta aventura s’enrasiga au còr de la Mediterranèa dins las annadas 90, quand Magà Ettori e un grop d’afogats fondan a Ajaccio l’Institut de l’Espòrt e de l’Alimentacion Vegetala (INSAVE) en mai dels Warriors, un club omnispòrts. En 2012 emergís lo projècte de federar totes los correires vegans e vegetarians de la planeta. Una nòva entitat foguèt creada: VEGAN MARATHON.
De mai en mai de sòcis rejúnhon los rengs de çò qu’es devenguda una Organizacion Non Governamentala presenta sus totes los continents.
De simpatizants, de runners, de VG-coaches, sòcis actius e implicats.
Las colors de VEGAN MARATHON son ara conegudas e reconegudas dins totas las competicions nacionalas e internacionalas.
Rejúnhètz-nos, fasètz tanben partida de VEGAN MARATHON
FINISHER
En 2018, VEGAN MARATHON es devengut partenari oficial dau Maraton de París e a presentat 44 runners venguts del monde tot per córrer jos las colors de l’ONG. Son totes entrats dins l’istòria de VEGAN MARATHON en devenir finishers de la competicion mitica. Al mes d’abril 2019 sortís suls ecrans FINISHER, un documentari que conta aquesta famosa correguda e l’espelida de VEGAN MARATHON.